काठमाडौं । हिमालय टेलिभिजनबाट प्रशारण भएको रियालिटी शो डान्सिङ्ग विथ द स्टार्सको उपाधि सुमी मोक्तान र बिजु पार्कीको जोडीले जितेको छ । शनिबार राती सम्पन्न फाइनलनमा वुद्ध लामा र केबिका खत्री तथा प्रियना आचार्य र सुभम् भुजेलको जोडीलाई उछिन्दै सुमी मोक्तान र बिजु पार्कीको जोडीले उपाधी कब्जा गरेको हो । यो उपाधी विजेता जोडीले बिजेताले २० लाख नगदसहित पुरस्कार प्राप्त गरेका छन् ।
फस्ट रनरअप वुद्ध लामा र केबिका खत्रीको जोडी बन्न सफल भयो । सेकेन्ड रनरअपको उपाधी प्रियना आचार्य र सुभम् भुजेलले प्राप्त गरे । फाइनलमा दर्शकले गरेको भोटिङलाई मूख्य आधार मानिएको आयोजकले जनाएको छ । एक जना स्टार कलाकार र अर्को कोरियोग्राफ मिलेर जोडी बनाइएको थियो । सोही आधारमा नृत्य प्रतियोगिता भएको हो ।