काठमाडौं । पूर्वप्रधानमन्त्री तथा जनता समाजवादी पार्टी (जसपा)का संघीय परिषद् अध्यक्ष डा. बाबुराम भट्टराईले राष्ट्रपति परिवर्तनको मुद्दा बहसमा ल्याएका छन् । पछिल्लो समय राष्ट्रपति विद्यादेवि भण्डारीको अश्वभाविक प्रदर्शनलाई लिएर व्यापक आलोचना भइरहेको समयमा डा. भट्टराईले यस्तो प्रस्ताव ल्याएका हुन् । उनले प्रतिष्ठित नागरिक वा अवकाशप्राप्त न्यायाधीशलाई राष्ट्रपति बनाउन प्रस्ताव राखेका छन्। सामाजिक सञ्जाल ट्वीटरमा उनले यस्तो प्रस्ताव सार्वजनिक गरेका छन् ।
उनले गणतन्त्र नेपालका संवैधानिक राष्ट्रपतिहरूको भूमिका, स्तर निकै कमजोर र निम्न रहेको भन्दै प्रत्यक्ष निर्वाचित कार्यकारी राष्ट्रपति प्रणालीमै जानु श्रेयस्कर देखिएको उल्लेख गरेका छन् ।त्यो नभएसम्मको अन्तरिम अवधिमा पार्टीका सक्रिय नेता भन्दा प्रतिष्ठित नागरिक वा अवकाशप्राप्त न्यायाधीशलाई बनाउने प्रस्ताव उनको छ ।
राष्ट्रपति विद्यादेवी भण्डारीले प्रधानमन्त्री शेर बहादुर देउवाको सपथमा प्रधानमन्त्रीलाई सपथसम्म नभई बाहिरिएपछि उनको मुलुकको अभिभावकीय भूमिकामाथि प्रश्न उठिरहेको छ । त्यसमाथि सरकारका संविधान विरोधी कदमलाई आँखा चिम्लेर समर्थन गरेसँगै उनको आलोचना बढेको हो ।