काठमाडौं । कोरोना भाइरसबाट संक्रमित भई अस्पताल भर्ना भएका नेपाल वायुसेवा निगमका वरिष्ठ पाइलट विजय लामा डिस्चार्ज भएका छन् । संक्रमित भएसँगै उनले कोरोना अत्यन्तै खतरनाक भएको भन्दै यसविरुद्ध खेलबाड नगर्न सचेत गराइरहेका छन् ।
उनका कोरोनाको लक्षण देखिएको थियो । भदौ २९ मा कोरोना संक्रमण पुष्टि भएपछि ललितपुरस्थित स्टार अस्पतालमा भर्ना भएका उनलाई कोरोना जित्न समेत १८ दिन लागेको छ । उनले कैयौँ पीडाबीच आफूले कोरोनासँग हरेक दिन संघर्ष गरेर जित्न सफल भएको उल्लेख गरेका छन् ।
उनले लेखेका छन्, ‘मैले हरेक दिन कोरोनासँग लडिरहेँ। अनेक दुस्ख र कष्टबीच कोरोनासँगको संघर्षमा हार मानिन ।’ उनले कोरोनाविरुद्धको लडाईँमा आफूलाई साथ दिने चिकित्सकलाई धन्यवाद दिएका छन्।