तारा एयर दुर्घटनामा ज्यान गुमाएकाको शव परिवारलाई हस्तान्तरण

काठमाडौं । तारा एयरको विमान दुर्घटनामा ज्यान गुमाएकाहरुको शव मृतकका परिवारलाई हस्तान्तरण गर्ने काम बिहीबार सम्पन्न भएको छ । आइतबार पोखराबाट मुस्ताङ जाँदै गर्दा तारा एयरको जहाज मुस्ताङको थासाङ गाउँपालिका २ सानुसरेमा दुर्घटना हुँदा २२ जनाको निधन भएको थियो । निधन हुनेहरुको शव त्रिवि शिक्षण अस्पतालमा पोष्टमार्टम गरेर मृतकको परिवारलाई बिहीबार हस्तान्तरण गरिएको हो । दुर्घटनामा परेको जहाज सोमबार बिहान फेला परेको थियो । दुर्घटनाको कारण खोज्न सरकारले छानविन आयोग गठन गरेको छ ।