तिहारको पूर्वसन्ध्यामा जावलाखेलमा शुरु भयो पुष्प प्रदर्शनी

काठमाडौं । तिहारको पुर्वसन्ध्यामा ललितपुरको जावलाखेल खेल मैदानमा पुष्प प्रदर्शनी शुरु भएको छ । अर्थमन्त्री जनार्दन शर्माले शुक्रबार १४ औं गोदावरी पुष्प प्रदर्शनीको उद्घाटन गरेका छन् । कोभिड–१९ महामारीका कारण गत वर्ष मेला हुन सकेको थिएन । तिहारमा सबैभन्दा बढी फूलको खपत हुने गर्छ । तर, कोरोनाका कारण प्रभावित भएको व्यवसाय पुरानै अवस्थामा फर्कन भने केही समय लाग्न ेछ । मेलामा सयौं थरी फूलहरु अवलोकन तथा बिक्रिका लागि राखिएको छ । व्यवसायीले फूलमा नेपाललाई आत्मनिर्भर बनाउने प्रयास गरेपनि तिहारमा हुने अवैध आयातले भने समस्या हुने गरेको गुनासो समेत गरेका छन् । यो वर्ष पनि व्यवसायीले तिहारका लागि माला आयात गर्ने तयारी गरेका छन् ।