तिहारको फूलले ढकमक्क देश

दाङको घोराही उपमहानगरपालिका–३ स्थित झिङनीमा सयपत्री फूलको रस चुस्दै पुतली । तस्बिर : कुलदीप न्यौपाने / रासस

३० असोज, काठमाडौं । नेपालीहरुको दोस्रो महान चाड तिहार घर आगनमै आइपुगेको छ । यस चाडमा फूल र बत्तिको अधिक माग हुन्छ । पछिल्लो समय व्यवसायीहरुले नेपाललाई फूलमा आत्मनिर्भर बनाउँदै लगेका छन् । फलस्वरुप यतिबेला देशका विभिन्न स्थानमा तिहारका फूलले ढकमक्क भएको देखिन्छ ।

भक्तपुरको सूर्यविनायक नगरपालिका–७ गुण्डुकी किसान अनिला बस्नेत सयपत्री फूल टिप्दै । तीन रोपनी जमिनमा व्यावसायिक रुपमा गरेको फूलखतीबाट रु तीन लाख आम्दानी भएको उहाँ बताउनुहुन्छ । तस्बिरः रमेश गिरी/रासस
प्रदर्शनीमा सजाइएको फूल ललितपुर, २९ असोजः फ्लोरिकल्चर एशोसिएशन नेपालले ललितपुरको जावलाखेल खेल मैदानमा आयोजना गरेको ‘१८औँ गोदावरी फूल प्रतियोगितात्मक प्रदर्शनी २०८२’ को प्रदर्शनी स्टलमा सजाएर राखिएको फूल । तस्बिरः हरिराम भेटुवाल/ रासस
तिहारलाई लक्षित गर्दै भक्तपुरको पोटरी स्क्वायरमा सुकाइएकाे माटोका भाँडा । तस्बिर ः रमेश गिरी / रासस