काठमाडौं । राष्ट्रपति विद्यादेवी भण्डारीले तीन देशका लागि राजदूत नियुक्ति गरेकी छन्।
शुक्रबार राष्ट्रपति भण्डारीले ओमान, साउदी अरेबिया र श्रीलंका गरी तीन देशका लागि नेपाली राजदूत नियुक्त गरेको राष्ट्रपति कार्यालयका प्रवक्ता सागर आचार्यले जानकारी दिए।
मन्त्रिपरिषद्को सिफारिसमा राष्ट्रपति भण्डारीले ओमानका लागि डोरनाथ अर्याल, साउदी अरेबियाका नवराज सुवेदी र श्रीलंकाका लागि वासुदेव मिश्रलाई नेपाली राजदूतावासमा नियुक्त गरेकी हुन्।