त्रिकोणात्मक सिरिजको फाइनल आज, नेपाल र पिएनजी भिड्दै

काठमाडौं । त्रिकोणात्मक टी २० श्रृंखलाको फाइनल आज हुँदैछ । उपाधिका लागि नेपाल र पपुवा न्यूगिनी (पीएनजी) भिड्दैछन् । खेल कीर्तिपुरको टीयू मैदानमा दिउँसो १२ः३० मा सुरु हुनेछ । नेपाल, पीएनजी र मलेसिया सम्मिलित श्रृंखलामा नेपाल अपराजित रहेको छ । नेपालले डबल राउण्ड रोविन लिगमा खेलेको चारवटै खेलमा जित निकाल्यो । पीएनजीले भने ३ खेल हारेको थियो । मलेसियालाई एक खेलमा मात्र हराएर २ अंक जोडेको उसले रनरेटका आधारमा मलेसियालाई उछिन्दै फाइनल खेल्न लागेको हो ।