त्रिभुवन विमानस्थलका संचार उपकरणमा समस्या आएपछि उडान-अवतरण प्रभावित

काठमाडौं । त्रिभुवन विमानस्थलका संचार उपकरणमा समस्या आएपछि बिहीबार बिहानैबाट उडान अवतरण प्रभावित बनेका छन् । विमानस्थल कार्यालयका अनुसार अहिले प्रत्येक १५ मिनेटमा एउटा उडान गर्न सकिने गरि व्यवस्था मिलाएको बताएका छ । सामान्य अवस्थामा प्रत्येक तीन मिनेटमा एउटा उडान वा अवतरण गर्न सक्ने सुविधा छ । सोहीकारण बिहीबार दिनभर उडानहरु प्रभावित हुने भएका छन् । यसले विमानस्थलहरुमा डिले हुने र भिडभाड बढी हुनेछ । बिहानैबाट संचार उपकरणमा समस्या आएपछि त्यसलाई मर्मतको काम थालिएको विमानस्थलले जनाएको छ ।