दाङमा बस दुर्घटना, दुई जनाको मृत्यु

दाङ । दाङमा बस दुर्घटनामा परी कम्तिमा दुई जनाको मृत्यु भएको छ । दाङको घोराहीबाट लमही जाँदै गरेको बस दुर्घटनामा परेको हो । शुक्रबार साँझ पौने ६ बजे घोराही उपमहानगरपालिका ३ मसोतमा बस दुर्घटना भएको जिल्ला प्रहरी कार्यालय दाङले जनाएको छ ।

लु १ ख ९८६३ नम्बरको बसको ब्रेक फेल भई दुर्घटनामा परेको र त्यस क्रममा दुई पुरूषको ज्यान गएको बताइएको छ । मृतकको सनाखत भइसकेको छैन। बस दुर्घटनामा २९ जना घाइते रहेको र उनीहरुको उपचार जारी रहेको प्रहरीले जनाएको छ ।