काठमाडौं । वरिष्ठ गायक दीप श्रेष्ठको कर्णप्रिय स्वरमा गुन्जिएको ‘मायामा धेरै धेरै’ बोलको गीत तयार भएको छ । गीतको भिडियोसहित यसैसाता अमेरिकाबाट सार्वजनिक गरिएको छ । अब्बल गीतकार रविन पियाको यो भिडियो अमेरिकाको टेक्सास स्थित अस्टिनमा छायाँकन गरिएको हो ।
‘मायामा धेरै धेरै बाँचिसके प्रतीक्षामा आँखा थकाइसके’, बोलको गीतको म्यूजिक भिडियो उत्कृष्ट बनेको बताइएको छ । गीतको भिडियोमा अमेरिकामा बसोबास गर्ने सुबेचन श्रेष्ठ र सेलिका सुनारसहित गीतकार रविन पियाको समेत अभिनय देख्न सकिन्छ ।
अमेरिकामा नै रहेका निर्देशक बीबी फुयाँलको निर्देशन र अक्की शर्माको सम्पादनमा भिडियो बनेको छ । नेपालमा रहेका ईनेश आर पियाले यसमा ग्राफिक्सको काम गरेका छन् । छायाँकन गीतकार पिया स्वयमःले गरेका छन् ।