काठमाडौं । नेपाल दूरसञ्चार प्राधिकरणका अध्यक्ष पुरुषोत्तम खनालले राजीनामा दिएका छन् । अध्यक्ष खनालले मंगलबार बिहान सञ्चार तथा सूचना प्रविधिमन्त्रालयमार्फत मन्त्रिपरिषद् कार्यालयमा राजीनामा बुझाएका हुन् ।
उनलाई तत्कालीन प्रधानमन्त्री केपी शर्मा ओली नेतृत्वको सरकारले २०७६ साउन ६ गते प्राधिकरणको अध्यक्षमा नियुक्त गरेको थियो । ५ वर्ष कार्यकालको सकिन ७ महिना बाँकी हुँदै उनले राजीनामा बुझाएका हुन् ।
अध्यक्ष खनाल माथि टेलिकम्युनिकेसन्स् ट्राफिक मोनिटरिङ एण्ड फ्रड कन्ट्रोल सिस्टम (टेरामक्स) खरिदमा भ्रष्टाचार गरेको, अवैध कल बाइपास गरेको लगायत आरोप लागेका छन् ।
टेरामक्समा अनियमितता भएको भन्दै अहिले अख्तियार दुरुपयोग अनुसन्धान आयोगले छानिबन समेत अगाडि बढाइसकेको छ ।