काठमाडौं । नवनियुक्त प्रधानमन्त्री शेरबहादुर देउवाको सपथ ग्रहण समारोहमा निवर्तमान प्रधानमन्त्री तथा प्रमुख प्रतिपक्षी दलका नेता केपी शर्मा ओलीले भाग लिएनन् । मंगलबार साँझ सम्पन्न भएको सपथ ग्रहणमा सामान्यतया पूर्वप्रधानमन्त्री उपस्थित भई नयाँ प्रधानमन्त्रीलाई शुभकामना दिने प्रचलन रहेको छ । तर, ओली भने उपस्थित भएनन् ।
सपथ ग्रहण समारोहमा पूर्वप्रधानमन्त्री पुष्पकमल दाहाल प्रचण्ड, डा. बाबुराम भट्टराई र माधवकुमार नेपाल समेत उपस्थित भए । उनीहरुले देउवालाई सफल कार्यकालको शुभकामना समेत दिएका छन् । देउवाको सपथमा माधव कुमार नेपाल पुगेपछि एमाले कार्यकर्ता भने आक्रोसित बनेका छन् । उनीहरुले सामाजिक संजालमा आफ्नो नेताको सरकार गिराएर विपक्षी दलको नेता प्रधानमन्त्री हुँदा खुसीयाली मनाएको भन्दै नेता नेपालको चर्को आलोचना गरिरहेका छन् ।