काठमाडौं । प्रहरीले दैलेखका पत्रकार डेकेन्द्र थापाको हत्यामा संलग्न एक जनालाई पक्राउ गरेको छ ।
जिल्ला प्रहरी कार्यालय दैलेखको टोलीले हत्यामा संलग्न भएको आरोपमा दैलेखकै महाँबु गाउँपालिका–६ का ६८ वर्षीय जयबहादुर शाहीलाई १६ वर्षपछ पक्राउ गरेको हो ।
पत्रकार थापाको २०६२ साउन २७ गते साविकको द्वारी गाविस–१ मा हत्या गरी शव गाडिएको अवस्थामा फेला परेको थियो ।
उक्त मुद्धामा शाहीलाई जिल्ला अदालत दैलेखले २०७१ मंसिर २१ गते २ वर्ष कैदको फैसला सुनाएको थियो । तर शाही त्यसयता फरार रहेका थिए ।