दोस्रो चरणमा देउवा र कोइराला भिड्ने निश्चित

काठमाडौं । नेपाली कांग्रेसको नयाँ सभापति पदका लागि दोस्रो चरणको निर्वाचन हुने निश्चित भएको छ । मंगलबार बिहान जारी मतगणनामा कुनै पनि उमेदवारले ५१ प्रतिशत भोट कटाउन सकेनन् । पछिटल्लो अपडेट अनुसार ४५६३ मत गणना भइसकेको छ । अब १ सय मत मात्र गन्न बाँकि छ । जसमा शेर बहादुर देउवाको २१४२ मत आएको छ । शेखर कोइरालाको १७०८ भोट आएको छ । विमलेन्द्र निधीको २४५, प्रकाशमान सिंहको ३५५ र कल्याण गुरुंगको २० भोट आएको छ । अब शेर बहादुर देउवा र कोइरालाबीच पुनः सभापति पदका लागि आजै मतदान हुने छ ।