काठमाडौं । धादिङमा दुई वटा ट्रक एक आपसमा ठोक्किएर भएको दुर्घटनामा दुई जनाको मृत्यु भएको छ । जिल्लाको थाक्रे गाउँपालिका २ कोइरालेमा दुर्घटना भएको प्रहरीले जनाएको छ । घटनामा एक जना गम्भीर घाइते छन् । बिग्रिएर सडक छेउमा रोकिराखेको ना ६ ख ६४६५ नम्बरको ट्रकमा त्यही दिशाबाट आउँदै गरेको लु २ ख २७० नम्बरको ट्रक ठोक्किएको बताइएको छ ।
मध्यराती ३ बजे भएको दुर्घटनामा ज्यान गुमाएको परिचय भने खुलिसकेको छैन । दुर्घटनामा लु २ ख २७० नम्बरको ट्रकका चालक गम्भीर घाइते भएको प्रहरीले जनाएको छ । उनको काठमाडौंको ट्रमा सेन्टरमा उपचार जारी रहेको छ ।