नवलपुर । नवलपुरको गैंडाकोटमा यात्रुवाहक बस र ट्रक आपसमा ठोक्किँदा ३ जनाको ज्यान गएको छ । २४ जना घाइते भएका छन्। प्रहरीका अनुसार गैंडाकोट नगरपालिका १० स्थित २३ स्मृति पुलनजिकै पश्चिमतर्फ जाँदै गरेको सु.प्र.–०२–००१ ख ११२३ नम्बरको बस र विपरीत दिशाबाट आउँदै गरेको ना ६ ख ७१२६ नम्बरको ट्रक एकआपसमा ठोक्किएका थिए । त्यसपछि बस सडकबाट १० फिट तल खसेको थियो ।
बिहान ४ बजेतिर भएको यो घटनामा ३ जनाको मृत्यु भएको छ । दुर्घटनामा २ जना महिला र एकजना पुरुषको मृत्यु भएको जिल्ला प्रहरी कार्यालय नवलपुरले जनाएको छ । मृतकको सनाखत हुन बाँकि छ । दुर्घटनामा घाइते तीनै जनाको चितवन मेडिकल कलेज भरतपुरमा उपचारका क्रममा ज्यान गएको हो । अन्य घाइतेको सोही अस्पतालमा उपचार जारी रहेको पनि प्रहरीको भनाई छ ।