काठमाडौं । नारायणगढ–मुग्लिन सडकखण्ड पूर्ण रुपमा सूचारु भएको छ । यो सडक खण्ड आजदेखि पूर्णरूपमा सञ्चालनमा आएको नारायणगढ–मुग्लिन सडक आयोजनाले जनाएको छ ।
पहिरो नियन्त्रणका लागि सडक दिउँसो बन्द हुँदै आएको थियो । काम सकिएसँगै सडक पूर्णरूपमा सञ्चालनमा आएको हो ।
दिउँसो दैनिक चार घण्टा सवारी साधन बन्द गरेर यहाँ पहिरो नियन्त्रणको काम भएको हो । मूख्य काम सकिएपछि सडक पूर्णरुपमा संचालनमा आएको हो ।
नारायणघाट मुग्लिन सडकमा बाँकी रहेका आठ ठाउँमा पहिरो रोकथामको काम गरिएको छ ।
२७ मङ्सिरदेखि प्रत्येक दिन बिहान ११ः०० देखि दिउँसो ३ः०० बजेसम्म सडकमा सवारी साधनलाई रोकेर काम गरिएको हो ।
यो सडक खण्ड काठमाडौंलाई अधिकांश नेपालसँग जोड्ने मूख्य माध्यम समेत हो ।