काठमाडौं । मंगलबार २४ घण्टा बन्द भएपछि सञ्चालनमा आएको नारायणगढ–मुग्लिन सडक खण्ड पुनः अबरूद्ध बनेको छ । पहिरो पन्छाएर खुलेको सडक त्यसको चार घण्टा पछि पुनः अवरुद्ध बनेको प्रहरीले जनाएकोछ । भरतपुर महानगरपालिका २९ नारायणगढ मुग्लिन सडक खण्डको केरावारी (मौरी खोल पुल नजिकै) लगातारको वर्षाको कारण माथिबाट लेदो सहितको पहिरो खसेर बाटो पुनः दुबै तर्फ अवरोध भएको हो।
सोमबार राति ११ बजे देखि बन्द सडक मंगलबार राति १० बजेतिर सञ्चालनमा आएको थियो। तर पुनः सोही ठाउँमा पहिरो गएपछि सडक पुरै बन्द भएको चितवन प्रहरीले जनाएको छ। आज पुन अवरूद्ध भएको बाटो खुलाउने प्रयास भइरहेको प्रहरीले जनाएको छ । निरन्तर सडक अवरुद्ध हुँदा यात्रुमा भने पिडा थपिएको छ ।