काठमाडौं । नेपाल कम्युनिस्ट पार्टीका अध्यक्ष पुष्पकमल दाहाल (प्रचण्ड)माथि जुत्ता प्रहार भएको छ । यद्दपी जुत्ता प्रचण्डसम्म पुग्न भने सकेन ।
राष्ट्रिय सभागृहमा आइतबार आयोजना भएको एक कार्यक्रममा जुम्लाका रतन तिरुवाले प्रचण्डलाई लक्षित गर्दै दर्शक दीर्घाबाट जुत्ता प्रहार गरेका थिए ।
प्रचण्डले भाषण सकेर अभिवादन भनिसकेपछि उनले जुत्ता प्रहार गरेका थिए ।
भाषण मन नपरेका कारण आवेशमा आएर जुत्ता हानेको बयान उनले दिएका छन् ।
उनी पूर्वलडाकु तथा शहीदका छोरा भएको प्रचार गरिएपनि यो सत्य नभएको जुम्लास्थित नेकपा पार्टी कार्यालयले स्पष्ट पारेको छ ।
जुत्ता प्रहार गरेका उनलाई तत्काल प्रहरीले पक्राउ गरेको थियो ।
राष्ट्रिय सभागृहमा भरतमोहन अधिकारीको पहिलो स्मृति सभामा यस्तो घटना भएको छ ।
प्रचण्डमाथि पटक पटक यस प्रकारका घटना हुने गरेको छ । खासगरी द्धन्द्धकालिन घटनाका कारण यो घटना दोहोरिने गरेको छ ।