नेकोन युएसएले कनेक्टिकटमा मनायो पहिलो “नेपाल डे”

धन लामा,कनेक्टिकट

नेप्लिज एसोसिएसन अफ कनेक्टिकट (नेकोन ) युएसए प्रमुख आयोजक र कनेक्टिकट राज्यमा भएका नेपालीहरु आवद्ध विभिन्न संघ संस्थाहरु (NRNA CT Chapter, HCEC Lions club, WHL Lions club, SNA Branford) को सह आयोजनामा यही अप्रिल २४ तारिख आइतवारका दिन कनेक्टिकटको इतिहासमा नै पहिलो पटक नेपाल डे समारोह तथा परेड सम्पन्न भएको छ ।

स्थानीय समाजमा नेपाली-अमेरिकन समुदायको पहिचान, विभिन्न नेपाली भेषभुषा, सँस्कृति र बाजागाजा सहितको बलियो उपस्थिति रहेको सो समारोहमा सबैले आ-आफ्नो ठाउँबाट महत्वपूर्ण योगदान पुर्याएका थिए ।

कनेक्टिकटको West Hartford लगायत विभिन्न शहरहरु Branford, Storrs, Windsor locks र अन्य Town बाट समेत आ-आफ्नो भेषभुषा सहित कार्यक्रममा ठूलो संख्यामा नेपालीहरू सहभागी भएका थिए ।

उक्त दिनमा नेकोनको विशेष पहलमा West Hartford Town Mayor Ms. Shari G Cantor द्वारा अध्यक्ष नारायण पौडेललाई Proclamation letter हस्तान्तरण गरिएको थियो भने स्थानीय नेपाली बासिन्दाहरूको सम्मानमा West Hartford town ले officially आफ्नो प्राङ्गणमा अमेरिकी झण्डा संगै नेपाली राष्ट्रिय झण्डा पनि कनेक्टिकटको इतिहाँसमा पहिलो पटक फहराएको थियो ।

कार्यक्रममा नेकोनको निमन्त्रणामा अमेरिकाको न्यूयोर्क स्थित नेपाली महावाणिज्यदूतावासका महावाणिज्यदूत महामहिम बिष्णु प्रसाद गौतम, वेस्ट हार्टफोर्ड Town Mayor Shari G Cantor, State Reps Kate Farrar र RTM Branford श्री राम चन्द्र श्रेष्ठ लगायतको विशेष उपस्थिति थियो ।

त्यस्तै गरी यस कार्यक्रमलाइ सफल बनाउन महत्वपुर्ण भूमिका खेल्ने नेकोन उपाध्यक्ष तथा यस कार्यक्रम उपसमितिका संयोजक श्री रघुनाथ गिरी तथा सदस्यहरु , नेकोनका पदाधिकारीहरु, NRNA CT chapter का अध्यक्ष श्रीमती मुना तिवारी, HCEC lions club का अध्यक्ष श्री प्रकाश ठाकुर, WHL lions club का अध्यक्ष श्री नरेन्द्रदेव पन्त, SNA Branford का अध्यक्ष श्री पूर्ण लिम्बु लगायत उपस्थित समस्तजन प्रति नेकोन कार्यसमितिले हार्दिक धन्यवाद ज्ञापन गरेको छ ।

यस कार्यक्रमको प्रत्यक्ष प्रसारण नून चिनी पानी-अमेरिकाको अभियन्ता संचारकर्मी श्री अर्जुन दाहाल, चिया नास्ताको निशुल्क व्यवस्था इश्वरी आचार्य, कल्पना दाहाल कार्की, माया अर्याल र टेस्ट अफ इंडियाले गरेको थियो भने कार्यक्रमको MC रुपेश पराजुली र साँस्कृतिक झाँकीमा सहभागीहरुको फोटोग्राफी एवम समाचार सम्प्रेषणमा सहयोग नेकोनका मिडिया को-अर्डिनेटर धन लामा रहेका थिए ।