बुटवल । नेपालमा शनिबार साझ थप ७ जनामा कोरोना पुष्टि भएको छ । शनिबार रुपन्देही, कपिलवस्तु र दाङका सातजनामा शनिबार कोरोना पोजेटिभ देखिएको हो । प्रदेश जनस्वास्थ्य प्रयोगशाला भैरहवामा गरिएको पीसीआर परीक्षणमा सात जनामा कोरोना पोजेटिभ देखिएको पुष्टि भएको छ ।
सात जनामध्ये दाङ घर भएका ३३ वर्षका पुरुष गुल्मी मदानेका कोरोना संक्रमितको घरमा कोठा भाडामा बस्दै आएका व्यक्ति रहेको बताएको छ । उनी बैंकमा काम गर्छन ।
शनिबार पुष्टि भएका मध्ये रुपन्देहीको तीनजना गैडहवा गाउँपालिकाका हुन् । अब नेपालमा कुल ५९१ सङ्क्रमित पुगेका छन् । शनिबार मात्र ७५ जना नयाँ बिरामी थपिए । शनिबार १९ जना भने निको भइ घर फर्किए ।