काठमाडौं । पछिल्लो २४ घण्टामा थप ५१ जनामा कोरोना संक्रमण पुष्टि भएको छ ।
५ हजार ९१४ जनामा गरिएको परिक्षण मध्य ५१ जनामा संक्रमण पुष्टि भएको स्वास्थ्य तथा जनसंख्या मन्त्रालयले बताएको छ ।
मन्त्रालयको अनुसार २ हजार ५९२ जनामा पिसिआर परिक्षण गर्दा १२ जना र ३ हजार ३२२ जनामा एन्टिजन परिक्षण गर्दा ३९ जनामा संक्रमण पुष्टि भएको हो ।
यस्तै, पछिल्लो २४ घण्टामा ३९२ जना कोरोना संक्रमणमुक्त भएका छन् भने हालसम्म देशभर ९ लाख ६२ हजार १७३ जना संक्रमणमुक्त भएको मन्त्रालयको तथ्याङ्कमा उल्लेख गरिएको छ ।
मन्त्रालयमा उल्लेख गरेको विवरण अनुसार आज कोरोनाबाट मत्यु हुनेको संख्या शुन्य रहेको छ भने हालसम्म ११ हजार ९५० जनाको कोरोना संक्रमणको कारण मृत्यु भएको छ ।
यस्तै अहिले नेपालमा संक्रिय संक्रमित ३ हजार ९९६ जना रहेको छ भने आज २९ हजार ३९० जनाले कोरोना विरुद्धको खोप लगाएका छन् ।