काठमाडौं । नेपालमा पछिल्लो २४ घण्टामा ५ सय ८८ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार कुल संक्रमितको संख्या २ लाख ५३ हजार ७ सय ७२ पुगेका छन् ।
त्यस्तै पछिल्लो २४ घण्टामा १ हजार ९७ जना संक्रमित डिस्चार्ज भएका छन् । हालसम्म नेपालमा २ लाख ४३ हजार ६ सय ६४ जना कोरोना संक्रमित निको भएका छन् ।
हालसम्म १८ लाख ७० हजार ८ सय ३० जनाको पीसीआर परीक्षण गरिएको मन्त्रालयले जनाएको छ । पछिल्लो २४ घण्टामा ११ जनाको मृत्यु भएको छ भने हालसम्म नेपालमा कोरोना संक्रमणबाट मृत्यु हुनेको संख्या १७ सय ८८ जना पुगेका छन् ।