काठमाडौं । नेपालमा पछिल्लो २४ घण्टामा कोभिड १९ का कारण मृत्यु भएको आंकडा कोरोनाकाल यताकै दोस्रो सबैभन्दा बढी भएको पाइएको छ । आज स्वास्थ्य तथा जनसंख्या मन्त्रालयले सार्वजनिक गरेको आंकडा अनुसार २४ घण्टामा कुल २८ जनाको मृत्यु भएको छ । यो कोरोनाकाल यताकै दोस्रो सबैभन्दा ठूलो मानवीय क्षति हो ।
यसअघि नेपालमा १९ कात्तिकमा सबैभन्दा धेरै ३० जनाको मृत्यु भएको थियो । शनिबार समेत कोभिड१९ का कारण १४ जनाको मृत्यु भएको थियो । २,६१९ जना नयाँ सङ्क्रमित फेला परेका थिए। आज कुल १०,०७८ वटा परीक्षणबाट ३,१२२ जनामा सङ्क्रमण पुष्टि भएको छ ।