काठमाडौं । सुनको भाउले निरन्तर नयाँ नयाँ कीर्तिमान बनाइरहेको छ । सोहीक्रममा मंगलबार सुन प्रतितोला १ लाख ५० हजार ८ सय नाघेको छ । डेढ सयको आंकडा नाघेको यो पहिलो पटक हो । सोमबारको तुलनामा सुनको भाउ २१०० रुपैयाँले बढेको हो । अन्तर्राष्ट्रिय बजारमा सुनको माग बढ्दा नेपालमा समेत मूल्य बढेको हो ।
रुस युक्रेन युद्ध, इजरायल गाजा युद्धले समेत सुनको मूल्यमा असर गरिरहेको छ । सोमबार प्रतितोला १ लाख ४८ हजार ७ सय रुपैयाँमा कारोबार भएको सुन मंगलबार १ लाख ५० हजार ८ सय रुपैयाँ पुगेको हो । चाँदीको भाउ पनि बढेको छ । अघिल्लो दिन प्रतितोला १७१५ रुपैयाँमा कारोबार भएको चाँदी मंगलबार १७४० रुपैयाँ पुगेको छ ।