काठमाडौं । नेपालमा कोरोना भाइरसको संक्रमण हुने मानिसको संख्या २६ हजार नाघेको छ । पछिल्लो २४ घण्टामा ४ सय ६८ जना थप बिरामी भेटिएसँगै २६ हजारको आंकडा पार भएको हो । स्वास्थ्य तथा जनसंख्या मन्त्रालयका अनुसार २४ घण्टामा उक्त संख्यामा नयाँ बिरामी थप भएका हुन् । यो अवधिमा कुल ११ हजार ४ सय ४७ जनामा कोरोनाको परीक्षण गरिएको थियो ।
अब मुलुकभर कोरोना संक्रमितको संख्या २६ हजार १९ पुगेको छ । २४ घण्टामा १२४ जना भने डिस्चार्ज भए । डिस्चार्ज हुने कुल संख्या भने १७ हजार २ सय १ जना पुगेको छ । सोहीकारण अब देशभर सक्रिय संक्रमितको संख्या ८ हजार १ सय ९३ पुगेको छ ।