नेपालले आज बलियो टोलि थाइल्यान्डसङ्ग मैत्रीपुर्ण फुटबल खेल्दै

काठमाडौं । नेपाल र थाइल्यान्ड बीच आज मैत्रीपुर्ण अन्तर्राष्ट्रिय फुटबल खेल हुदैछ । खेल थाइल्यान्डको चोनबरीमा हुनेछ । नेपाली समयअनुसार साँझ ५:४५ मा खेल सुरु हुने कार्यक्रम छ ।
नेपाल एसिया कप छनोट तेस्रो चरणको तयारीमा छ । सोही तयारी अनुसार बिहीबार अन्तर्राष्ट्रिय मैत्रीपूर्ण खेलमा नेपालले थाइल्यान्डको सामना गर्न लागेको हो ।  नेपालले सन् १९८७ यता तीन दशकको अन्तरमा थाइल्यान्डविरुद्ध खेल्न लागेको हो ।
सन् १९८७ मा नेपालले ओलम्पिक छनोटका क्रममा थाइल्यान्डविरुद्ध दुई खेल खेलेको थियो, जसमा नेपाल दुवैमा हारेको थियो । थाइल्यान्डविरुद्ध जितका लागि मैदान उत्रने नेपाली टिमका प्रशिक्षक अब्दुल्लाह अल्मुताइरीले बताएका छन् ।  थाइल्यान्डमा बटुल्न अनुभव एसियाकप छनोटका लागि निकै उपयोगी हुने  उनको भनाइ छ ।