काठमाडौं । नेपाली कांग्रेसले प्रधानमन्त्री केपी शर्मा ओलीलाई विश्वासको मत नदिने भएको छ । सभापति शेरबहादुर देउवाको निवास बूढानीलकण्ठमा मंगलबार बसेको पदाधिकारीको बैठकले यस्तो निर्णय गरेको हो । प्रधानमन्त्रीले विश्वासको मत लिन २७ वैशाखका लागि संसदको विशेष बैठक बोलाएका छन् ।
ओलीले लिने विश्वासको मतलाई विफल बनाउन अरु दलसँग पनि छलफल गर्ने निर्णय बैठकले गरेको कांग्रेस नेताहरुले जानकारी दिएका छन् । संसद जिवितै रहेको अवस्थामा अध्यादेशबाट सरकार चलाउन खोज्ने ओलीको कदमको समेत कांग्रेसले भत्र्सना गरेको छ ।
आज सरकारले संवैधानिक परिषद् लगायतका सातवटा अध्यादेश ल्याएको थियो । त्यसलाई राष्ट्रपतिले आजै सदर गरिदिएकी छिन् । माओवादी केन्द्र र कांग्रेसले एकै दिन प्रधानमन्त्री ओली विरुद्ध एक मतमा विरोध गर्ने निर्णय गरेका हुन् ।