न्युयोर्क
नेपाली तेक्वान्दो खेलाडी राजु नगरकोटी र कल्पना थापा कार्कीले अन्तर्राष्ट्रिय प्रतियोगितामा स्वर्ण पदक जितेका छन् । दुबै खेलाडीले यही नोभेम्बर ६ र ७ तारिखमा दक्षिण कोरियामा वर्ल्ड चानमूक्वान हेडक्वार्टरको आयोजनामा सम्पन्न वर्ल्ड पुम्प्से च्याम्पियनशिप २०२१ मा स्वर्ण पदक जितेका हुन् ।
उक्त अन्तर्राष्ट्रिय अनलाइन प्रतियोगितामा ३१ देशका ८०९ जना खेलाडीहरुको सहभागिता जनाएका थिए । मास्टर राजु नगरकोटीले पुरुष ५० वर्ष माथिको उमेर समुहमा र कल्पना थापा कार्कीले महिला ४० वर्ष माथिको उमेर समुहमा स्वर्ण पदक जित्न सफल भएका हुन् ।
बिजेता खेलाडी राजुले यसअघि पनि बिभिन्न अन्तर्राष्ट्रिय खेलहरुमा पदक हात पारिसकेका छन् । उनी पाँच डान ब्लाक बेल्ट हुन् । त्यसैगरी खेलाडी कल्पना थापा अमेरिकामा तेक्वाण्दो प्रशिक्षक हुन् ।