काठमाडौं । सरकारले नेपाल वायुसेवा निगममा महाप्रवन्धक नियुक्त गरेको छ । नेपाल एयरलाइन्सको नेतृत्वमा अहिले कार्यकारी अध्यक्ष सुशील घिमिरे रहेका छन् । तर, सरकारले यसअघि संचालक समिति सदस्य रहेका डिमप्रकाश पौडेल (प्रकाश)लाई महाप्रवन्धक नियुक्त गरेको हो । यसले दुई जनाबीच अब पदको द्धन्द्ध बढ्ने देखिएको छ ।
मन्त्रिपरिषदको बिहीबार बसेको बैठकले निगम सञ्चालक समिति सदस्य समेत रहेका पौडेललाई महाप्रवन्धक नियुक्त गरेको हो । प्रकाश सत्तारुढ नेपाल कम्युनिस्ट पार्टी (नेकपा)का सक्रिय कार्यकर्ता हुन् । पेशाले भने चार्टर्ड एकाउन्टेन्ट हुन् ।
संस्कृति, पर्यटन तथा नागरिक उड्डयनमन्त्री योगेश भट्टराई तत्कालीन एमालेको प्रचार विभाग प्रमुख भएका बेला पौडेल सदस्य भएका थिए ।