काठमाडौं । नेपालको बैंकिंग प्रणालीमा निरन्तर आक्रमण गरि क्षति पुर्याइरहेको चिनियाँ ह्याकरको समूहले नेपाल टेलिकमको महत्वपूर्ण डाटा ह्याक गरेको दावि गरेको छ । डाटा ह्याक भएको चेतावनीपछि नेपाल टेलिकमले समेत आफ्नो एउटा सर्भर बन्द गरेको जनाएको छ । चिनियाँ ह्याकर समूहले सर्भरमा आक्रमण गरेर डाटा हृयाक गरेको दावी गरेपछि टेलिकमले शंकास्पद सर्भर सर्ट डाउन गरेको प्रवक्ता राजेश जोशीलाई उदृत गर्दै नेपाली संचारमाध्यमले जनाएका छन् । उनका अनुसार ह्याक भएको पुष्टि भने भएको छैन । तर, उक्त समूहले आक्रमण गरेको सूचना टेलिकमलाई दिएको छ ।
चीनको ट्याग २२ ग्रुपले नेपाल टेलिकमको सर्भरमा ‘ग्लास फिस’ सर्भरका माध्यमबाट ‘कोल्भटस्ट्राइक’ मार्फत सर्भर हृयाक गरेको दावी गरेको हो । नेपाल टेलिकमको महत्वपूर्ण डाटा यो समुहले बिक्रिमा समेत राखेको बताइएको छ । जसमा लाखौं प्रयोगकर्ताको कल डिटेल्स र अन्य विवरण छन् । साथै सूमहले ताइवान र फिलिपिन्सका टेलिकमसम्बद्ध डाटा समेत ह्याक गरेको बताएको छ ।