काठमाडौं । नेपाल टेलिकमले इन्टरनेट डेटा सेवाको शुल्क घटाउने तयारी गरेको छ । उपभोक्तालाई सस्तोमा डेटा दिन टेलिकमले अहिले विभिन्न अवसरमा दिइने अफरलाई स्थायी गर्ने जानकारी गराएको हो । अफरमा दिइने डेटा शुल्क १५ देखि २० प्रतिशतसम्म बढाउँदा मेन ब्यालेन्सबाट चल्ने डेटा शुल्क १५ देखि २० प्रतिशतले घट्ने टेलिकमको भनाइ छ ।
होली, नयाँ वर्ष लगायत विभिन्न चाडपर्व, दिवस र अवसरका बेला दिइएका अफरहरूलाई स्थायी बनाउन टेलिकमले दूरसञ्चार प्राधिकरणमा प्रस्ताव गरेको छ । प्याकेज नलिई इन्टरनेट चलाउँदा प्रतिएमबीपीएस एक रुपैयाँ पर्ने गरेकोमा स्किमहरु किन्दा ४÷५ पैसामै लिन सकिन्छ ।