काठमाडौं । सरकारले नेपाल र भारतको सीमा क्षेत्रमा सशस्त्र प्रहरीको सुरक्षा दस्ता बढाएको छ । भारतमा कोरोना संक्रमितको संख्यामा उल्लेख्य वृद्धि भएसँगै सरकारले नेपाल-भारत सीमानामा कडाई थालेको हो ।
भारतसँग सिमाना जोडिएका जिल्लामा थप २२ सय ८० जना जनशक्ति थपिएको सशस्त्र प्रहरीले जनाएको छ । सशस्त्रले जनशक्तिसँगै सीमा नाकामा चेकपोस्टको संख्या समेत बढाएको छ ।
भारतीय सीमामा सशस्त्रका १ सय २० वटा चेकपोस्ट रहेका थिए । अहिले ८ सय ५ वटा अस्थायी चेकपोस्ट थपिएको छ ।
काठमाडौंबाट थप जनशक्ति पठाएर सीमानामा खटाइएको छ । अहिले सीमानामा करिब साढे पाँच हजार सशस्त्र प्रहरी खटिएका छन्।
उनीहरुको काम भारतबाट कुनै पनि व्यक्तिलाई नेपालतर्फ छिर्न नदिने हुने छ । किनकी भारतमा कोरोनाको संक्रमण बढ्दा अनाधिकृत रुपमा नेपाल आउन सक्ने जोखिम हुन्छ ।
नेपाल र भारतमा खुला सीमाना रहेको छ । सरकारले काठमाडौंका तालिमकेन्द्र, बाहिनी र तालिम सकेर बसेको टोलीलाई सीमा सुरक्षामा खटाएको छ