काठमाडौं । आईसीसी विश्वकप लिग – २ त्रिकोणात्मक एक दिवसीय शृङ्खलामा नेपाल र अमेरिकाबीच रोमाञ्चक खेलमा बराबरीको नतिजा आएको छ । अन्तिम दुई बलमा नेपालले दुई विकेट लिएपछि अमेरिकासँगको खेल बराबरीमा रोकिएको हो । दुवै टीमबाट समान २७४ रन बन्यो । दुबै टीमले १÷१ अंक बाँडेका छन् । ह्युस्टनस्थित मुसा क्रिकेट स्टेडियममा टस जितेर पहिला ब्याटिङ गरेको नेपालले ४९.२ ओभरमा सबै विकेट गुमाएर २७४ रन बनाएको थियो । जवाफमा अमेरिकाले समेत २७४ रन नै बनाउन सक्यो । उसका लागि स्टेभेन टेलरले शतक प्रहार गरे । अमेरिकाले ५० ओभरमा ६ विकेट गुमाएर २७४ रन जोडेको हो ।
अन्तिम ओभरमा अमेरिकालाई जितका लागि ६ रन चाहिएको थियो । नेपालमा आदिल अन्सारीले बलिङ गरेका थिए । सुरुआती तीन बलमा अमेरिकाले एक÷एक रन जोडेको थियो । चौथो बल नो बल भएपछि अमेरिकाले नो बलमा एक रन जोड्दै रन बराबरी ग¥यो । तर, अन्तिम दुई बलमा नेपालले विकेट लिएपछि खेल बराबरीमा टुंगिएको हो । अमेरिकाका लागि ओपनर टेलरले ११४ रन जोडे ।