काठमाडौं । नेपाल र बंगलादेशबीच आज मैत्रीपूर्ण फुटबल हुने भएको छ । खेल बेलुका साढे पाँच बजे दशरथ रंगशालामा सुरु हुँदैछ । नेपालको कप्तानी गोलकिपर किरण लिम्बुले गर्दैछन् । यसअघि कुवेतमा भएको एएफसी एसियन कप छनोटको तेस्रो चरणमा नेपालको कप्तानी नवयुग श्रेष्ठलाई दिइएको थियो ।
पछिल्लो समय नोपली फुटबलमा गुटउपगुट देखिएका छन् । तत्कालीन मुख्य प्रशिक्षक अब्दुल्लाह अलमुताइरीले किरणसहित ११ खेलाडीलाई टीमबाट निकालेपछि असन्तुष्टी बढेको छ । किरण बंगलादेशसँगको खेलबाट टोलीमा फर्किदैछन् ।
एन्फाले सामान्यमा ५ सय र भीआईपीतर्फ १ हजार रुपैयाँ टिकट मूल्य तोकेको छ । सीमित ८० सिटका लागि भने ५ हजार रुपैयाँ तोकिएको छ । नेपालले बंगलादेशसँग अहिलेसम्म २४ खेल खेलेकोमा बंगलादेशले १२ खेलमा जितेको छ । नेपालले ७ खेल मात्रै जित्दा ५ खेल बराबरीमा सकिएको छ ।