काठमाडौं । नेपाल सुपर लिग फुटबल प्रतियोगिता आगामी वैशाखमा संचालन हुने भएको छ । वैशाख ११ गतेदेखि २५ गतेसम्म संचलन हुने प्रतियोगितामा खेलाडीको छनोट भने अक्सनबाट हुने भएको छ । प्रतियोगिता नेपाल स्पोर्ट्स एण्ड इभेन्ट्स म्यानेजमेन्ट र अखिल नेपाल फुटबल सङ्घ (एन्फा) को प्राविधिक सहयोगमा हुन लागेको हो ।
राउण्ड रोबिन लिगका आधारमा हुने प्रतियोगितामा प्रदेशबाट प्रतिनिधित्व गर्ने गरी विभिन्न टिम रहने बताइएको छ । प्रतियोगितामा हरेक टिममा विदेशी खेलाडी समेत राख्न पाउने भएका छन् । प्रतियोगितामा कुल १९ खेल हुने आयोजक नेपाल स्पोर्ट्स एण्ड इभेन्ट्स म्यानेजमेन्टको भनाई छ । हरेक टोलीमा विभिन्न श्रेणीबाट २० खेलाडी रहने छन् । प्रतियोगिता दशरथ रङ्गशालामा हुनेछ ।