काठमाडौं । नेपालमा पछिल्लो २४ घण्टामा ७ सय ३६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार कुल संक्रमितको संख्या २ लाख ५० हजार ९ सय १६ पुगेका छन् ।
त्यस्तै पछिल्लो २४ घण्टामा ८ सय ४७ जना संक्रमित डिस्चार्ज भएका छन् । हालसम्म नेपालमा २ लाख ३८ हजार ५ सय ६९जना कोरोना संक्रमित निको भएका छन् ।
हालसम्म १८ लाख ४९ हजार १ सय ३६ जनाको पीसीआर परीक्षण गरिएको मन्त्रालयले जनाएको छ । पछिल्लो २४ घण्टामा १३ जनाको मृत्यु भएको छ भने हालसम्म नेपालमा कोरोना संक्रमणबाट मृत्यु हुनेको संख्या १७ सय ४३ जना पुगेका छन् ।