काठमाडौं । न्यायालयमा विवाद चर्किरहेका बेला नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले परमादेश दिने सर्वोच्च अदालतका पाँचै जना न्यायाधीशले राजीनामा दिनुपर्ने बताएका छन्। एमालेको पालिका अधिवेशनलाई भर्चुअल रूपमा मंगलबार सम्बोधन गर्दै ओलीले यस्तो बताएका हुन् । उनले परमादेशबाट सरकार बनेपछि अदालतमा पनि समस्या देखिएको दावि गरे । उता, ओलीलाई भने अदालतमा राजनीति छिराएको आरोप लाग्ने गरेको छ ।
खासगरी संवैधानिक निकायमा गरिएका नियुक्तीमा उनले प्रधानन्यायाधीशलाई पनि भाग छुट्याएको आरोप लाग्दै आएको छ । उनले एक जनाले मात्र नभई परमादेश दिने सबैले राजीनामा दिनुपर्ने बताए । सरकारमा भाग खोजेको भन्दै प्रधानन्यायाधीश चोलेन्द्रशम्शेर राणाले राजीनामा दिनुपर्ने माग उठेको समयमा उनले यस्तो बताएका हुन् ।