काठमाडौं । अभिनेता पल शाहविरुद्ध प्रहरीमा बलत्कार अभियोगमा किटानी जाहेरी परेको छ । एक किशोरी गायिका माथि उनले बलत्कार गरेको आरोप लागेको हो । उनीहरुबीच प्रेम सम्बन्ध रहेको चर्चा गरिएको थियो । तर, किशोरी १८ वर्ष पुगेकी छैनन् । केही दिन अगाडी एक अडियोमा शाहले किशोरीसँग यौन सम्बन्ध राखेको बताएको सुनिएको थियो ।
शाहले भने अडियो आफ्नो नभएको दावि गर्छन् । उनै किशोरी गायिकाले पल शाहविरुद्ध तनहुँ प्रहरीमा जाहेरी दर्ता गराएकी छन् । उनले जबर्जस्ती करणी मुद्दामा उजुरी दर्ता गराएकी छिन् । शाहले किशोरीमाथि तनहुँ, चितवन, पोखरासहितका होटेलमा यस्तो कर्म गरेको उनको जायरीमा उल्लेख छ । बुधबार जिल्ला प्रहरी कार्यालयमा पुगेर उनले निवेदन दिएसँगै प्रहरीले शाहको खोजी थालेको बताएको छ ।
उनीहरुबीच सहमतीमै यौन सम्बन्ध कायम भएपनि कानुनतः १८ वर्षभन्दा कम उमेरकी युवतीसँग सहमतिमै शारीरिक सम्बन्ध भए पनि जबर्जस्ती करणी मानिन्छ । १६ वर्षदेखि १८ वर्ष उमेरकी बालिकासँग यौन सम्बन्ध राखेमा १० देखि १२ वर्षसम्म जेल सजाय हुन सक्ने मुलुकी अपराध संहितामा उल्लेख छ ।