काठमाडौं । नेपाली कांग्रेसको सभापतिका लागि भएको निर्वाचनको मतगणना जारी छ । पछिल्लो अपट अनुसार सभापतिमा शेर बहादुर देउवाले अग्रता लिएका छन् । तर, उनी एक्लैले ५१ प्रतिशत भोट ल्याउन सक्ने सम्भावना कम छ । अहिलेसम्म कुल ४२७६ भोट गणना भएको छ । खसेको मत ४६७१ हो । यस अवस्थामा जितका लागि २३४० भोट ल्याउनु पर्छ ।
पछिल्लो अपडेटमा देउवाले २०४६, शेखर कोइरालाले १६१५, प्रकाशमान सिंहले ३३५, विमलेन्द्र निधीले २३८ र कल्याण गुरुंगले २० भोट पाएका छन् । पहिलो चरणमा ५१ प्रतिशत भोट नआएमा आजै पहिलो र दोस्रो हुनेबीच मतदान हुने छ ।