काठमाडौं । पूर्वसभामुख कृष्णबहादुर महरालाई पत्नीशोक परको छ । महराकी पत्नी सीता महराको उपचारका क्रममा काठमाडौंको नर्भिक अस्पतालमा निधन भएको उनको परिवारले जनाएको छ । उनमा निमोनियाको समस्या देखिएपछि दाङबाट १४ कात्तिकमा हेलिकोप्टरबाट काठमाडौं ल्याइएको थियो ।
त्यसपछि गरिएको परीक्षणमा कोरोना भाइरसको संक्रमण पुष्टी भएको थियो । उनको बुधबार बिहान साढे ६ बजे निधन भएको हो । १५ दिनदेखि भेन्टिलेटरमा उनको उपचार भइरहेको थियो । अस्पतालका अनुसार उनमा माइस्थेनियाको समस्या थियो ।
सीता २०१८ साउन १३ मा रोल्पा गजुल धौले भन्ने गाउँमा जन्मेकी हुन् । महरासँग उनको विवाह २०३५ सालमा भएको हो । महराका उनका दुई छोरा र दुई छोरी छन्।