पूर्व राष्ट्रपति बिल क्लिन्टन अस्पताल भर्ना

न्युयोर्क

अमेरिकास्थित पूर्व राष्ट्रपति बिल क्लिन्टन अस्पताल भर्ना भएका छन् । मुत्र नलीमा सँक्रमण भई रगतमा फैलिएपछि क्लिन्टनलाई अस्पताल भर्ना गरिएको चिकित्सकको हवाला दिदै समाचार संस्था सिएनएनले जनाएको छ । पूर्व राष्ट्रपति क्लिन्टनको अहिले युनिभर्सिटी अफ क्यालिफोर्निया अर्भिङ मेडिकल सेन्टरको आईसीयुमा भर्नागरी उपचार भैरहेको छ । क्लिन्टनलाई तरल रुपमा एन्टिबायोटिक दिईरहेको चिकित्सकद्वारा बिहीवार जारी बिज्ञप्तिमा जनाईएको छ ।
क्लिन्टनका निजी चिकित्सकले उनलाई आईसियुमा भर्ना गर्नै पर्ने भएर नगरिएको, तर सुरक्षा र गोप्यताको लागि भर्ना गरेर उपचार गरिएको जनाएका छन् ।
अस्पताल जानु अगाडि पूर्व राष्ट्रपति क्लिन्टन आफ्नो निजी फाउण्डेसनको एक कार्यक्रममा क्यालिफोर्नियामा नै भएको अवस्थामा अकस्मात सन्चो नभएपछि उनलाई अस्पताल लगिएको थियो । अहिले क्लिन्टनको अवस्था स्थिर रहेको र एन्टिबायोटिकले राम्रो काम गरेको बताईएको छ । चिकित्सकहरुले पूर्व राष्ट्रपति क्लिनटनलाई छिट्टै घर पठाईने बताएका छन् ।

#photo:ABC27