काठमाडौं । फ्रान्सको पेरिसमा जारी ओलम्पिकको पदक तालिकामा चीनले अग्रता कायम गरेको छ । उसले १३ स्वर्ण जितेको छ । कुल ३१ पदक जितेको चीन पहिलो स्थानमा छ । समान ११ स्वर्ण पदक जितेका फ्रान्स र अष्ट्रेलिया क्रमशः दोस्रो र तेस्रो स्थानमा छन । आयोजक फ्रान्सले ३६ पदक जितेको छ । चौथो स्थानमा रहेको अमेरिकाले ९ स्वर्ण जितेको छ ।
अमेरिकाले सर्वाधिक ४३ पदक जिते पनि उसको रजत पदक अधिक रहँदा चौथो स्थानमा रहेको हो । ग्रेट ब्रिटेन पाँचौं स्थानमा छ । जापान छैठौं, कोरिया सातौं र इटाली आठौं स्थानमा छ । अहिलेसम्म ७० भन्दा धेरै मुलुकले पदक भित्राएका छन् । दक्षिण मुलुकमध्ये भारतले तीन काष्य पदक जित्नु नै सफलता मानिएको छ ।