पेरुमा पर्यटक चढेको जहाज दुर्घटना, ७ जनाको मृत्यु

काठमाडौं । पेरुमा पर्यटक चढेको जहाज दुर्घटनामा परी कम्तिमा ७ जनाको मृत्यु भएको छ । परुको नाज्का मरुभूमिमा पर्यटक बोकेको विमान दुर्घटनामा परेको अन्तर्राष्ट्रिय संचारमाध्यमले लेखेका छन् । पर्यटकहरूलाई नाज्का लाइन देखाउन यो जहाज उडेको थियो । नाज्का विशाल भूगोलको विश्वव्यापी रूपमा परिचित समूह हो । नाज्का क्षेत्र जहाजबाट देखाउने गरिन्छ । सोअीकारण पर्यटकहरु यहाँ जाने गर्छन् । दुर्घटनाग्रस्त विमानमा नेदरल्यान्ड र चिलीका नागरिक रहेको समेत खबर छ । दुर्घटनाको कारण खुलेको छैन । त्यहाँको सरकारले छानविन गर्ने बताएको छ ।