काठमाडौं । युरोपेली मुुलुक पोर्चुगलले देशव्यापी लकडाउन थालेको छ । कोरोनाभाइरसको संक्रमण ह्वात्तै बढेपछि पोर्चुगलले पुनः देशव्यापी लकडाउन घोषणा गरेको हो । प्रधानमन्त्री एन्टोनिओ कोस्टाले बिहीबार मध्यरातदेखि लागु हुने गरी लकडाउन घोषणा गरेको जानकारी गराएका छन् ।
यहाँ एकैदिन साढे १० हजार नयाँ संक्रमित थपिएको र १५६ जनाको मृत्यु भएको जानकारी स्थानीय संचारमाध्यमले जनाएका छन् । सम्भव भएसम्म घरबाटै काम गर्न कोष्टाले आग्रह गरेका छन् । यसपटक विद्यालय भने खुलै रहने भएका छन् ।
यसबाहेक लकडाउनका नियम तोड्नेले यो पटक पहिलाभन्दा दोब्बर सजाय भोग्नु पर्ने उनको भनाई छ । यहाँ जनवरी २४ मा राष्ट्रपतिय निर्वाचन हुनेछ । सरकारले चुनावका दिन लकडाउनका प्रतिबन्ध खुला गराउने छ । दुई सातापछि लकडाउन जारी राख्ने कि हटाउने भन्नेबारे समीक्षा हुने प्रधानमन्त्रीले जनाएका छन् ।