काठमाडौं । सत्तारुढ नेकपाका अध्यक्ष पुष्पकमल दाहाल (प्रचण्ड) ले बिहीबारबाट सर्वसाधारणसँगको भेटघाट बन्द गरेका छन् ।
कोरोना भाइरसको संक्रमणको डरले उनले आम रुपमा भइरहेको दैनिक भेटघाटको काम अनिश्चितकालका लागि बन्द गरेका हुन् ।
अब प्रचण्डले अत्यावश्यक काममा बाहेक अन्य भेटघाट गर्ने छैनन् । प्रचण्ड निवासमा धेरै ठूलो संख्यामा नागरिक पुग्ने गरेका छन् ।
नेता, कार्यक्रता तथा पत्रकारको समेत उनको निवासमा भीड लाग्छ । नेपालका कोरोना संक्रमण बढ्ने डरले सरकारले समेत २५ जना भन्दा बढी मानिस एकै स्थानमा भेला हुन रोकेको छ ।