काठमाडौं । नेपाली कांग्रेसका सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डबीच भेटवार्ता भएको छ । मंगलबार देउवालाई भेट्न प्रचण्ड साँझ उनको निवास बुढानीलकण्ठ पुगेका छन् । उनीहरुबीच बदलिँदो राजनीतिक परिस्थिति र सत्ता साझेदारीका विषयमा छलफल भएको बताएको छ ।
आजै बसेको माओवादीको बैठकले सत्ता साझेदारीका विषयमा कांग्रेस र जनता समाजवादी पार्टीसँग छलफल गर्ने निर्णय गरेको थियो । सोही अनुसार आज प्रचण्डले पहिलो चरणमा देउवासँग अनौपचारिक छलफल गरेका हुन् । सर्वोच्च अदालतबाट नेकपा एकिकरणलाई वैधानिकता नदिएपछि एनेकपा माओवादी र नेकपा एमाले पुनः अस्तित्वमा आएका छन् । तर, सत्ता साझेदारीका विषयमा भने सरगर्मी बढेको छ ।