काठमाडौं । सत्तारुढ नेकपा माओवादी केन्द्रका अध्यक्ष पुष्पकमल दाहाल प्रचण्ड शुक्रबार भारत भ्रमणमा जाने भएका छन्। माओवादी स्रोतलाई उदृत गर्दै सञ्चारमाध्यमले जनाए अनुसार उनी नयाँदिल्लीमा उच्चस्तरीय राजनीतिक भेटवार्ताका लागि जान लागेका हुन् । भारतीय जनता पार्टी (भाजपा) का अध्यक्ष जेपी नड्डाले उनर्ला औपचारिक निमन्त्रणा गरेका छन् ।
त्यहाँ हुने भेटघाट र केही कार्यक्रमका लागि परराष्ट्र मन्त्रालय र काठमाडौंस्थित भारतीय दूतावासले समन्वय गरिरहेको समेत खबर छ । प्रचण्ड दुई दिने भ्रमणका लागि भारत जान लागेका हुन् । प्रचण्डले भारतीय राजदूत नवीन श्रीवास्तवमार्फत भारत भ्रमणको निम्तो पाएका थिए । भ्रमणबारे सरकार र पार्टीले भने कुनै विषय सार्वजनिक गरेको छैन । प्रधानमन्त्री देउवाकी पत्नी आरजु राणा अहिले नयाँदिल्लीमै छिन् ।