प्रधानमन्त्रीले बोलाए सर्वदलीय बैठक, संसदको अवरोध हटाउने प्रयास

काठमाडौं । प्रमुख प्रतिपक्षी दल एमालले माधव कुमार नेपालसहित १४ सांसदलाई कारवाही गर्न माग गर्दै लामो समयदेखि संसद अवरुद्ध गरिरहेको छ । यसका बाबजुत संसदको काम बारवाही भने चलिरहेको छ । यसै सन्दर्भमा प्रधानमन्त्री शेरबहादुर देउवाले बिहीबार सर्वदलीय बैठक बोलाएका छन् । बिहान १० बजे बालुवाटारमा बोलाइएको बैठकमा प्रतिनिधि सभामा प्रतिनिधित्व गर्ने दलका शीर्ष नेताहरुलाई आमन्त्रण गरिएको छ । बैठकमा एमाले जाने नेजाने टुंगो लागेको छैन । बंठकमा संसदको अवरोधलाई निकास दिने लगायतका विषयमा छलफल हुनेछ । संसद बैठक समेत आज दिउँसो १ बजे बोलाइएको छ ।